Kordz

10 აგვისტოს - Mono Hall ბათუმში - ერთ-ერთი ყველაზე საინტერესო და გამორჩეული კომპოზიტორი და შემსრულებელი - KORDZ დაუკრავს.
Stravinsky თუ Daft Punk, Prince თუ Ravel: კომპოზიტორი ალექსანდრე კორძაია, იგივე KORDZ, პოულობსთავის შთაგონებას ყველგან, სადაც მუსიკა და შემოქმედებაა. ის როგორც კომპოზიტორი, ასევე შემსრულებელიც არის. საქართველოში KORDZ ცნობილია თავისი საცეკვაო ლაივ სეტებით და საინტერესო თანამშრომლობით ქვეყნის ცნობილ ორკესტრებთან, როგორიცაა: საქართველოს ეროვნული სიმფონიური ორკესტრი და Zagareli & Strings.
KORDZ უკვე 5 წელია ხელს უწყობს ადგილობრივი საკონცერტო და საკლუბო კულტურის ჩამოყალიბებას და სიამოვნებით თანამშრომლობს ისეთ არტისტებთან, როგორიცაა: მევიოლინე გიორგი ცაგარელი და რეპერი DRO.
როგორც კომპოზიტორსა და შემსრულებელს, KORDZ-ს ასევე ევროპულ ორკესტრებთან და ანსამბლებთან თანამშრომლობის დიდი გამოცდილება აქვს, მათ შორის: Asko Schönberg Ensemble, Slgawerk Den Haag, Kluster5 Ensemble, the Nieuw Ensemble, the Junge Norddeutsche Philharmonie, the Residentie Orchestra the Hague, the Dortmund Philharmonic Orchestra.
KORDZ-ის ბოლოდროინდელი პროექტებიდან აღსანიშნავია, მისი საერთაშორისო პროექტი: Kordz x Sakamoto - Asko | Schonberg ანსამბლთან ერთად, რომელიც Holland Festival 2021-სთვის მომზადდა, რიუიჩი საკამოტოს პატრონაჟით. მუსიკალური პიესა ალექსის ბავშვობის აუდიო ინტერვიუებზეა დაფუძნებული, რომელიც Kluster 5 ანსამბლთან ერთად შესრულდა.

საინტერესო და გემოვნებიანი მუსიკალური სელექციით, საღამოს ტატო რუსია განაგრძობს.

22:00 - Doors Open
22:30 - Tato Rusia
01:00 - Kordz
03:00-End - Tato Rusia

ასაკობრივი შეზღუდვა 18+

მაგიდების დასაჯავშნად დაგვიკავშირდით: 593 972 929

გაეცანით ღონისძიებაზე დასწრების წესებსა და პირობებს: https://biletebi.ge/mono-hall-batumi