სამი გოჭი • მოზარდ მაყურებელთა თეატრი

მგელი ინგოლფი ნორვეგიაში ცხოვრობს, ვეგეტარიანელია და ძალიან უყვარს თავისი ბოსტნის მოვლა. ერთ დღესაც იგი თავისი ბაბუისთვის მიცემული პირობის შესრულებას გადაწყვეტს და მისი მეგობრების, სამი გოჭის შვილიშვილების მოსანახულებლად მიდის. თურმე მას შემდეგ, რაც ორი გოჭის სახლი დაანგრია და მესამე სახლიდან კუდამოძუებული გამოაგდეს, მგელს ჭკუა უსწავლია და აღარასდროს შეუწუხებია ნიფნიფი, ნაფნაფი და ნუფნუფი, პირიქით - დამეგობრებულან კიდეც. ინგოლფი პირველად ნიფნიფის შვილიშვილს, მადამ ნიფნიფურს ესტუმრება, რომელიც საფრანგეთში ცხოვრობს და ოპერის მომღერალია, პრიმადონა. შემდეგ იტალიაში გადაინაცვლებს, ნაფნაფის შვილიშვილთან, სახელგანთქმულ მოცეკვავესთან, ანტონელა ნაფნაფინისთან. სულ ბოლოს კი საქართველოში, რაჭაში ჩამოვა, ნუფნუფის შვილიშვილთან, დესპინე ნუფნუფიძესთან. ბაბუების მსგავსად, მგელი და სამივე გოჭიც დამეგობრდებიან. ასაკი: 5+