ავი მუსაიფი • მოზარდ მაყურებელთა თეატრი

ნოდარ მაჭარაშვილის ისტორიული რომანი „ავი მუსაიფი“ საქართველოს ერთ-ერთი ყველაზე საყვარელი და ტრაგიკული ბედის მქონე მეფის, ერეკლე II-ის ცხოვრებასა და პოლიტიკურად რთულ ეპოქას ეხება, რომელშიც მას მოუწია ცხოვრება. თბილისის მოზარდ მაყურებელთა თეატრის ამავე სახელწოდების წარმოდგენის სცენური ვერსიისა და ინსცენირების ავტორი რეჟისორი დიმიტრი ხვთისიაშვილი გახლავთ. ეს ამ ისტორიულ-მხატვრული ჟანრის რომანის გასცენურების პირველი მცდელობაა ქართულ თეატრში. სპექტაკლში აღწერილია ერეკლე II-ის ეპოქის ისტორიული პერიპეტიები, რომელშიც გარკვეულწილად ირეკლება თანამედროვე საქართველოს ურთულესი სინამდვილეც; სიყვარული და სიძულვილი, ერთგულება და ღალატი, იმედგაცრუება და რწმენა, ომი, ბრძოლა და ინტრიგები, სამშობლოსთვის თავდადება, ზნეობა და მარადიული ფასეულობები. ასაკი: 14+