TAEMIN

სამხრეთ კორეელმა არტისტმა TAEMIN-მა, K-pop-ის ერთ-ერთმა ყველაზე გამორჩეულმა შემსრულებელმა, თავისი TAEMIN WORLD TOUR <LiMiNaL>-ის ფარგლებში თბილისში კონცერტი დააანონსა. კონცერტი 9 დეკემბერს, სპორტის სასახლეში გაიმართება.

 

TAEMIN ფართოდ არის ცნობილი როგორც წარმატებული სოლო არტისტი და პოპულარული ჯგუფ SHINee-ს წევრი. ის ასევე SuperM-ის შემადგენლობაში გამოდიოდა, რამაც მის მუსიკასა და შემოქმედებას კიდევ უფრო ფართო საერთაშორისო აუდიტორია შესძინა.

 

წელს TAEMIN გახდა პირველი კორეელი სოლო მამაკაცი არტისტი, რომელიც Coachella-ზე გამოვიდა — აშშ-ში გამართულ მსოფლიოს ერთ-ერთ ყველაზე დიდ და გავლენიან მუსიკალურ ფესტივალზე. მისმა გამოსვლამ როგორც მაყურებლის, ისე მუსიკალური ინდუსტრიის წარმომადგენლების მხრიდან დიდი მოწონება დაიმსახურა. მოგვიანებით კი ის ცნობილი ბრიტანული ფესტივალის BST Hyde Park-ის სცენაზეც წარდგა.

 

ახლა TAEMIN ფართომასშტაბიან მსოფლიო ტურნეს — <LiMiNaL>-ს იწყებს, რომლის ერთ-ერთი გაჩერება საქართველოც იქნება.

 

ტურნეს სახელწოდება <LiMiNaL> შთაგონებულია ლათინური სიტყვით limen, რაც „ზღურბლს“ ან „საზღვარს“ ნიშნავს. TAEMIN-ისთვის ეს საზღვარი დასასრულს კი არ წარმოადგენს, არამედ ახალი ეტაპის დასაწყისია. ტურნეს კონცეფცია ასახავს მის, როგორც არტისტის, განვითარებას და სურვილს, მუდმივად აღმოაჩინოს და გამოიკვლიოს საკუთარი შემოქმედების ახალი მხარეები.

 

<LiMiNaL>-ის კონცერტებზე მაყურებელს შეუძლია ელოდოს TAEMIN-ისთვის დამახასიათებელ შთამბეჭდავ შოუს — მუსიკის, ქორეოგრაფიის, ვიზუალური ეფექტებისა და ძლიერი სცენური ენერგიის ერთობლიობას, რომელმაც მისი გამოსვლები მსოფლიოს მასშტაბით გულშემატკივრებს შორის განსაკუთრებულად პოპულარული გახადა.

 

თბილისი TAEMIN-ის მასშტაბური <LiMiNaL> მსოფლიო ტურნეს ერთ-ერთი გაჩერება იქნება.

 

VIP პაკეტების მიღება: 16:30

კარი ღიაა: მოგვიანებით შეგატყობინებთ

ღონისძიების დაწყება: 19:30

 

 

VIP პაკეტები:

 

Patinum: (SOLD OUT)

Fan-zone
Early entry
Soundcheck
Send-off (goodbye session)
Signed printed posters    
Group photo with artist (groups of 10 fans)
Signed exclusive photocards    

Gold:
    
Fan-zone            
Early entry            
Soundcheck            
Send-off (goodbye session)    
Signed printed posters
Group photo with artist (groups of 10 fans)

 

Silver:

Fan-zone        
Early entry        
Soundcheck        
Send-off (goodbye session)        
Signed printed posters

 

ღონისძიების ტერიტორიიდან გასული სტუმრები ტერიტორიაზე ხელახლა შესვლას ვეღარ შეძლებენ.

ღონისძიების სტუმრებისთვის მოქმედი წესები:parklive.world/terms-refunds

სპეციალური უკუკავშირის ფორმა: parklive.world/terms-refunds

 

ასაკობრივი შეზღუდვა: 12+

 

აღნიშნულ ღონისძიებაზე ბილეთები არ ბრუნდება