თბილისის ჰიპ-ჰოპ ფესტივალი

17 ოქტომბერს „Factory Tbilisi“ პირველ Tbilisi Hip-Hop Festival-ს უმასპინძლებს. ფესტივალი ურბანული კულტურის მთავარ მიმართულებებს — მუსიკას, ქუჩის ცეკვასა და ვიზუალურ ხელოვნებას — ერთ მასშტაბურ სივრცეში აერთიანებს.

 

🎧 LINEUP

 

• Talib Kweli — ბრუკლინის ლეგენდა და ბოლო 25 წლის სოციალური ჰიპ-ჰოპის საკვანძო ფიგურა. Mos Def-თან ერთად შექმნილი საკულტო პროექტით (Black Star) ცნობილი არტისტი დღემდე ჟანრის ერთ-ერთი ყველაზე ავთენტური და ენერგიული ცოცხალი შემსრულებელია.
• FLOHIO — სამხრეთ ლონდონის ახალი ტალღის გამორჩეული ხმა. არტისტი, რომელიც გრაიმს, რეპსა და ელექტრონულ ჟღერადობას საზღვრებს უშლის და ერთ უწყვეტ, ენერგეტიკულ ნაკადად აქცევს.
• TAHA — თანამედროვე ქართული ჰიპ-ჰოპის წამყვანი ფიგურა; MC, რომელმაც ექსპრესიული სტილითა და უკომპრომისო ენერგიით ახალი თაობის უპირობო აღიარება მოიპოვა.
• Kay G — თბილისის ხელწერა, რომელსაც პირველივე ტაქტიდან იცნობთ: აუჩქარებელი, თავდაჯერებული და მკვეთრი. ის დაბალ სიხშირეებზე ინარჩუნებს დინამიკას — სწორედ იქ, სადაც აკუსტიკა ხმის ბოლომდე აწევას ითხოვს.
• Mush One — არსებობს ჰიპ-ჰოპი, რომელიც ქალაქში იბადება, და ჰიპ-ჰოპი, რომელიც ქალაქში ჩამოდის. ჯერ ბითი, შემდეგ — ტექსტი: ეს ოქროს წესი Mush One-თან უცვლელია. Boom Bap-ის ესთეტიკა ჯაზ-ჰოპის ტალღებს ერწყმის და ლირიკული სიზუსტით საკუთარ სამყაროში გიხმობს.

 

SPECIAL GUESTS

• 10G$ & noki — Didube Records-ის თანადამფუძნებელი 10G$ და ლეიბლის მთავარი სელექტორი noki მძიმე ბითებს, ურბანულ რეალიზმსა და ექსპერიმენტულ კლუბურ ენერგიას აერთიანებენ (ალბომი CASH TENDERONY).
• BXNNY — PVP FLOW-ის ბეთლების გამორჩეული MC, რომელმაც სცენური დისციპლინა საკონცერტო ჰიტებში გადაიტანა („ვასახელოთ საქართველო“, „სულ წინ“).
• Pele — ქართული ბეთლ-რეპის პიონერი და PVP-ის პირველი ფინალისტი. მისი ხელწერა დაბალი, მძიმე ტემბრი და პაუზის წონაა („Gotham City“, „5AM in Tbilisi Freestyle“).
• Erekle Deisadze — ქართული ალტერნატიული სცენის ავტორი, რომლისთვისაც ჟანრი მხოლოდ სათქმელის ინსტრუმენტია: პოსტ-პანკიდან მძიმე 808-მდე („სადაც გამახედეს“).
• Sabana & Tashyo — ONEONEWORLD-ის დამფუძნებელი SabanaYesYes და ახალი თაობის MC Tashyo: მასშტაბური ელექტრონული პროდაქშენი და დინამიკური ფლოუ („TAIFUN“, „Lilies $ Fangs“, „FERAL“).
• Nick Green — MC და პროდიუსერი 10-წლიანი სტუდიური გამოცდილებით (Baza Recordings). რეპს პროდიუსერის ყურით უდგება, ბითებს კი სიტყვის სიზუსტით აგებს.

 

შოუქეისები და ბეთლები

 

• Sioni Hi-Fi Soundsystem w/ Juno Q Beat
  ჰიპ-ჰოპის ფესვები იამაიკურ საუნდსისტემურ კულტურაში მიდის. პირველი ქართული საუნდსისტემა Sioni Hi-Fi და თბილისის საკლუბო სცენის პიონერი სელექტორი Juno Q Beat ტრადიციულ დაბ-სელექშენს, კლასიკურ ბუმ-ბეპსა და ანალოგური ხმის ფიზიკურ ძალას ერთ სივრცეში გააერთიანებენ.

 

• Producers Beat Battle | Presented by McDonald's
  ბითი ჰიპ-ჰოპის საფუძველია, თუმცა მისი ავტორი ხშირად კულისებში რჩება. ამჯერად ქვეყნის წამყვანი ბითმეიკერები სცენაზე ადიან და ერთმანეთს პირისპირ (1v1) დაუპირისპირდებიან. გამარჯვებულს ჟიური გამოავლენს.
  • მონაწილეები: Alleycat, Denivarlevi, Nakasha, Lucaroi
  • ჟიური: Sabana, Jay Japaridze, Ediseu

 

• Red Bull Dance Your Style — THHF Edition
  ქუჩის ცეკვის გლობალური პლატფორმა, სადაც მთავარი იმპროვიზაციაა. 8 გამორჩეული მოცეკვავე მოულოდნელ ჰიტებზე 1v1 პრინციპით შეერკინება ერთმანეთს, გამარჯვებულს კი წითელი და ლურჯი ბარათებით თავად მაყურებელი გამოავლენს.
  • მონაწილეები: Lile, Mariam Jachvadze (GG), LUCAS, Nicholas Elerdashvili, GUWA HIETO, Sandro Sabadze, Tako Londaridze, Lola

 

• Graffiti Battle
  გრაფიტი ჰიპ-ჰოპის ფუნდამენტური ელემენტია. ორ მასშტაბურ კედელზე არტისტები ოლიმპიური სისტემით (1v1) შეეჯიბრებიან. ყოველ წყვილს ადგილზე მიცემული სიტყვის დასახატად 10 წუთი ექნება. (რეგისტრაცია იწყება 12:00 საათიდან)
  • ჟიური: Sudha, Wise, Chil One

 

 

კულტურული სივრცე

 

• 📸 ფოტოგამოფენა: „50 Iconic Moments of Hip-Hop History“ — ვიზუალური ექსპოზიცია, რომელიც ჟანრის ნახევარსაუკუნოვან ისტორიას, გარდამტეხ მომენტებსა და საკულტო კადრებს აცოცხლებს.
• 🎬 კინოზონა (12:00 – 18:00) — სივრცე, სადაც უწყვეტ რეჟიმში გაიმართება დოკუმენტური ფილმების ჩვენება ქართული და მსოფლიო ჰიპ-ჰოპის შესახებ.
• 🍔 Food Court & Chill Zone — მრავალფეროვანი კვების ზონა, ბარები და გასართობი/ინტერაქტიული სივრცეები მთელი დღის განმავლობაში.

 

დეტალები და ბილეთები

• 📅 თარიღი: 17 ოქტომბერი, 2026
• 📍 ლოკაცია: Factory Tbilisi (წერეთლის 114)
• 🚪 კარი იხსნება: 12:00
• 🔞 ასაკობრივი შეზღუდვა: 18+
  (11–17 წლის მოზარდებისთვის შესვლა ფასიანია; დასწრება შესაძლებელია მხოლოდ ბილეთიანი მშობლის თანხლებით)

 

ბილეთები:

• Early Bird: 60 ₾ (SOLD OUT)
• I კალათა: 75 ₾
• II კალათა: 90 ₾

 

🎧 ფესტივალის ოფიციალური ფლეილისტი: Spotify Playlist

 

🌐 დამატებითი ინფორმაცია და ბილეთები: tbilisihiphop.com

 

• წარმდგენი: საქართველოს ბანკი
• გენერალური სპონსორი: Betlive
• მხარდამჭერები: Red Bull, Telegraph Hotel, Zoommer, Smart, JBL, McDonalds, Nabeghlavi, Monkey Shoulder, Jägermeister, Hennessy, Warsteiner, Sioni Hi-Fi, JET, Signall,Pro Sound, Render Group, Subway, Dunkin’, Mugsy’s Burger, Gennaro Pizza, Jambo, Hot Dog Room, Ganjina Dessert Shop, 
• საინფორმაციო პარტნიორები: Marketer, Entrepreneur, Billboard Georgia, At.Ge, Fashionholics Online, Fortuna +, Ambebi.Ge, Palitra News, Araki Stories

 

 

აღნიშნულ ღონისძიებაზე ბილეთები არ ბრუნდება