თეთრი ბაირაღები • ახმეტელის თეატრი

კლასიკოსი ქართველი მწერლის - ნოდარ დუმბაძის სიკეთითა და სევდით სავსე პერსონაჟები განსაკუთრებით უყვარს ქართველ მაყურებელს, „თეთრი ბაირაღები“ - ახალგაზრდა ზაზა ნაკაშიძის ამბავს მოგვითხრობს- პატიმარი ნაკაშიძე ციხის საკანში ერთმანეთისაგან ხასიათებით, ცხოვრების წესით მკვეთრად განსხვავებულ ადამიანებთან ერთად ხვდება, ყოველდღიურობაში ვლინდება მათი პრობლემები, კონფლიქტები, ცხოვრების მიზანი და ის რაც ყველაზე მნიშვნელოვანია - სიყვარულისა და სიკეთის კეთების ნიჭი, რადგან ამ სამყაროში „ ერთი დიდი, თეთრი ბაირაღი უნდა ფრიალებდეს ამაყად ჯომოლუნგმაზე ნიშნად -- უსაზღვრო სათნოებისა, სიკეთისა და სიყვარულისა, ერთი თეთრი დროშა, ვებერთელა თეთრი ბაირაღი” სპექტაკლი ორ მოქმედებად. (ასაკობრივი კატეგორია +15)