რომანტიკოსები

„რომანტიკოსები“

ავტორები: მარიტა ლიპარტელიანი, პაატა ციკოლია

რეჟისორი: პაატა ციკოლია

სცენოგრაფია: ირა შენგელია

კოსტიუმების მხატვარი: ქეთი გუნია

კამერა: საბა შენგელია, ეკა დარსაველიძე

კომპოზიტორი / მუსიკალური გაფორმება: გვანცა ენუქიძე

რეჟისორის თანაშემწე: ნათია შალიკაშვილი

მონაწილეობენ: დავით ბეშიტაიშვილი, ნატა მურვანიძე, ლაშა მებუკე, ქეთი ჯავახიშვილი

სპექტაკლის შესახებ: ისინი თინეიჯერები და შეყვარებულები არიან. და გადაწყვიტეს, ცხოვრება მშობლების გარეშე გააგრძელონ.

ის, რაც ახალგაზრდების პირადი ამბოხით იწყება, თანდათან ამხელს სამყაროს, სადაც ძალადობა მემკვიდრეობით გადაეცემა, დუმილი წესად იქცევა, უფროსებმა კი კარგად იციან, როგორ დაიცვან საკუთარი თავი.

„რომანტიკოსები“ სკოლის დერეფნების ხმაურსა და ოჯახის დუმილში ვითარდება. აქ რომანტიკული პოეზია და თინეიჯერული სლენგი ერთმანეთს ეჯახება; სიყვარულის, მშვენიერებისა და გმირობის ენა კი სრულიად სხვა მნიშვნელობას იძენს სამყაროში, რომელსაც უთანასწორობა, სიძულვილი და შიში მართავს.

„რომანტიკოსები“ ანტირომანტიკული შავი კომედიაა შვილებზე, მშობლებზე და იმ მემკვიდრეობაზე, რომელსაც ერთი თაობა მეორეს უტოვებს.

გაფრთხილება: სპექტაკლი შეიცავს თვითდაზიანებასთან დაკავშირებულ და სხვა სენსიტიურ სცენებს

ხანგრძლივობა: 100 წუთი  / 1 შესვენებით

ჟანრი: შავი კომედია